六月和十二月

今次去到清远，竟然无漂流，无温泉，无吃白切鸡，完全唔知道点解有甘搞笑的安排~听日又要翻工了，即系等于今个星期无休息过，可以选择的话，我系宁愿训觉的~~

14号一大早就话要集中啦。。。阴功咯，平时翻9点都要7点半出门。。不过我一于少理，7点先出门，仲要系选择搭133果只。。。话知距啦，应该都有人会迟到的，迟小小应该唔怕吧~~果然，等左20分钟先上到部133，好彩有位坐，上座车之后继续训一觉好的，翻到公司楼下迟左15分钟。不过D人8点半先黎齐，好彩无好似WINDY甘打车翻黎姐~如果唔系就真系猪啦~^@@^

个半钟之后，终于到达目的地——银盏谷——一个有漂流玩但系唔比我地玩的地方~好伤心~~伤心之余竟然仲要沿住漂流的河道爬上去稳放水的源头。。。真系觉得超级有意义。。。景色嘛，还可以接受，可惜天气一般，水又太黄，翻黎P相P到头都大~~所以，睇相嘛，还可以的。实景就。。。劝大家咪去~

爬完山之后的安排系去飞来寺，记得呢个地方系中学的时候去过一次，无咩印象~不过对于一向只信奉明教的我，呢D地方真系好无聊。。。不过去飞来寺的过程就几过瘾，坐船游北江顺便吃个饭~菜式好简单-_-|||估计都好平。。。江风吹埋黎好舒服，等我仲谂住慢慢吃慢慢享受的时候，竟然就叫我地落船！！！！KAO~~~餐饭吃左15分钟唔够~~果然够快~。。。跟住我拿拿临啃埋台面剩低的三只虾，跟大队闪人~

岸上边就系飞来寺啦，一上到去就有个导游过黎带住我地行，好似赶鸭仔甘！！！一睇距个样就知道系果D专呃钱的黑心导游~距系前边讲到兴起的时候，我同WINDY就系后边拿住相机影垃圾车~都影得几有FEEL架~~~^^跟住个导游就讲左一堆我听唔明的野又唔想听的野，唯一一句有印象的就系——寺内不准拍照~~-_-|||。。。入到去，见到一堆MS虔诚的人系度烧香，据闻D香最平的都要399。。。果然有米~~去HK买一等票朝圣一次的价钱都只不过系HKD$400，经济实惠~导游话，许愿好灵的，我BANGBANG声就许左个愿望——希望一阵出寺门的时候执到一张可以中500W的彩票。。。可惜无实现到。。。可能系无比399的缘故啦。。然后我地行入大殿，因为实在对佛系无兴趣的，所以同EMILY，CC兜左一圈，研究下D佛像。老实讲，呢度D佛像手工真系有D差~估计系公模的产物~~然后，其他人又被游说买香同捐钱，D和尚真系吃左好多的大头菜~~~游说唔成功之后，好快，我地就比人“赶”左出寺。。。临走的时候，见到寺门写住一对对联——可惜我记得的就只有飞来飞去飞去飞来。。。好头晕。。。

飞完之后终于都可以去酒店休息了，去紧酒店的时候，导游已经同我地讲，酒店环境一般，叫我地唔好同广州深圳东莞的酒店比，帮我地做好晒心理准备~果然~~系做好晒心理准备的情况下，我地住的地方，勉强可以算系一间酒店。。。不过环境尚算唔错，玩既野都几多，可惜无桑拿无按摩无乒乓球无商店无街行。。。。不过有个几唔错的人造沙滩，饭菜的味道唔错——准确黎讲应该系菜的味道唔错，饭好难吃。。。吃完饭，竟然仲有得唱K，不过唱左一阵我地几个女人就闪了~理由好简单，我N年无见过用同一个片段叠加字幕兼且所有歌曲的旋律都系16和弦的MV，更加N年无用过翻目录按遥控的点歌方法。。。跟住同WINDY去左沙滩帮助消化，竟然见到有堆细路系度烧烟花~~果种兴奋的心情简直难以形容，BANGBANG声就去买左10蚊。。。烧烟花同烧钱的速度其实系差唔多的，我地穷，烧唔起钱。。。烧完钱之后本来打算去钓鱼的，不过去唔成，原因系听讲D鱼夜晚会训觉。。。我唔明点解D鱼夜晚唔使吃宵夜。。。而且钓鱼系要钱的，所以我地几个穷人就选择左唔使钱的麻将，打左一阵，身心疲惫，12点都唔够就散水了。。之后打算训觉的，不过实在太耐无同CC同房啦，于是。。。所以。。。我地。。。。倾计倾到三点几。。。谈理想谈工作谈人生。。。^^当晚落好大雨，闪电闪左N次，不过窗帘太厚，被我地忽略掉了。。。

第日朝早8点就要起身啦，超痛苦，计落，我同CC都净系训得5粒钟唔够~唉~~~早餐好简单，而且少，吃我唔饱~吃完早餐之后就要去打野战了。。。好讨厌呢种如此耗费体力的活动，所以我同CC，EMILY三条友仔做左逃兵，系门口射靶~~30发子弹一阵就搞掂晒啦，比烧钱更快~有得选择的话，我都系宁愿烧钱。。。-_-|||打完靶之后，我地就地影左好多超人打怪兽同埋超人打超人，怪兽打怪兽的——因为见到价目表话，租衫影相要10蚊的，为左唔好蚀甘多，当然影翻够本！

扮完超人之后又到吃饭时间，今次的“饭菜”都好好味~不过分量太少，MS呢两日都吃唔饱~可能系因为体力消耗太大了。。。吃完饭之后打算去行下的，点知D铺头基本上都关晒门，好一副被大水浸完的景象。。。最后净系买左几个雪糕，好过空手而回。。。吃完饭就去滑草，记得当年地理老师讲过，午后2点系地面温度最高的时间，我地，几十人一齐去再一次体验呢个已经被证明的理论。号称全亚洲最大的滑草场——信住先啦，到现时为止，我只见过呢一个滑草场。滑草整套装备有30斤重，即系一个未装煤气的煤气罐的重量。。。突然间好迷惘，点解我拎唔起一个煤气罐。。。真系好鬼晒，好彩我比较醒目，着埋外套先行出去，如果唔系就炭上加炭了。。开始的都唔系好明点解草场唔整个上坡的小车唔使人行得甘辛苦，不过一谂，一个钟80蚊的，上坡花费的时间大概系落坡的3倍。。。SO。。。-_-||滑左几次之后就劲累啦，脚都递唔起，所以我地稳左个树阴，继续进行超人打怪兽的游戏，不过今次换左剧本，我地玩佐罗！

理论上，滑完草应该就可以归家了，不过，临走之前，我地都系要比人水多一次，去一个什么生态园参观，其实系做水鱼~我都做左一只小小的水鱼，好伤心——呢度的红豆栗子竟然要卖6蚊一条。。。好多同事都买左鹿筋鹿茸之类的东东，可惜我无风湿，距昆我唔到~翻到去同小豆子一讲，好彩无买，据闻此物系广州卖几十蚊一斤，屋企以前煲过汤，不过太难饮，倒掉了。。。

总的来说，整个过程系好开心的，都系果句老话，去旅行，唔系在乎玩D咩野，在乎既系同边个玩姐~

写完，交差~YEAH~~~相听日发~